Sat-B abwira BIG FIZZO ngo yaraye amuteye iteka kuza mugiteramo ciwe

Umuririmvyi SAT-B yaraye akoze igiteramo kidasanzwe kukiyaga LA COSTA citabiriwe n’abafans biwe benshi cane gose nkuko vyagaragaye aho wari umunezero mwinshi kubari bahishikiye ndetse nawe yararyohewe kuba harashoboye kuza abantu benshi bakamushigikira mugikorwa ciwe yaramaze iminsi abateguza ko boza kubwinshi.

Sivyo vyonyene umuririmvyi SAT-B yishimira bikamuryohera kuba haraje abantu benshi mugiteramo ciwe yise INDOTO yaraye akoze kuruwu w’Imana igenekerezo rya 07/12/2018 mukibanza bita LA COSTA BEACH mugisaga ca Bujumbura ahubwo ngo ayanerezwe gushika nuno munsi kuba harashoboye kubineka ikintu kidasanzwe atari yitezeko azokibona muri ico giteramo ciwe ryar’iteka kuriwe atewe.

Ngo n’umwe mubihangange nkawe vy’umuziki w’uburundi ariwe umuririmvyi BIG FIZZO yari yahishikiye kumushigikira arorera ingene ariko arateramisha abafans biwe vyaraye bimunezereye cane gose k’umutima kubona umuririmvyi mugenzi we yarahishikiye kandi ntiyabifashe nk’ibintu bidasanzwe ahubwo n’iteka rikomeye yarawe amuteye kuza.

Ikindi twobamenyesha y’uko Sat-B vyamunaniye kwihangana yashimye kubigaragaza kurubuga rwiwe amwandikira amajambo aryohewe yo kumushimira Big Fizzo yongera yandikako na Team Satura na yonyene iramushimira kw’iteka baraye bateye nico gihangange c’umuziki w’uburundi,naho ngo atamubonye ariko abamubonye bamubariye ko yahishikiye kandi yaryohewe kumubona yaje mugiteramo Indoto.

Ayaniyo amajambo umuririmvyi SAT-B yanditse aryohewe kumva umuririmvyi BIG FIZZO yarashoboye kwishikira mugiteramo ciwe yise Indoto caraye kuri La Costa Beach i Bujumbura kibaye ,yatanguye ati :“ Big Fizzo Fariouz bambwiye ko wari wishikiye nawe mu giteramo (Indoto Concert ) ay’amajambo ndayanditse nishimye caaaaane ryohewe no kuba wari wahageze ndetse ngo wari uryohewe caaaane kubona tugera kukintu nka kiriya mwarakoze cane mwaraduteye iteka Team Satura nabo bambwiye ndakubwire ngo warakoze kuza.“

Ukaba utari bwumve INDOTO z’umuririmvyi SAT-B yatangaje imbere y’uko azokora igiteramo yise INDOTO ngo ashaka kuzobona m’umuziki w’uburundi akora,fyonda ngaho uzumvirize.