Umuririmvyi SAT-B asanzwe ari mubihangange vy’abaririmvyi b’abarundi bakora neza umwuga wawo w’umuziki w’uburundi bagashimisha abafana babo mugihe babasohoye nk’indirimbo canke Video n’uko rero wewe aharaheze iminsi asohoye indirimbo yiwe nshasha yise “ FEEL LOVE “ayisohorana Audio na Video ayinonosoye neza mu kuyitondera ayishiramwo amajambo y’urukundo aryohera ababariko barayumviriza bongera bayiraba nkuko vyagaragaye imaze gusohoka.
Yongera ayikorera n’amasanamu meza kuva ayisohoye k’umugaragaro hari kw’igenekerezo rya 01/12/2017,niho abafana biwe batangura kuyumviriza no kuyiraba barayikunze ukuntu yayikoze neza baramuteye intege zidasanzwe bakavugako bashimishijwe cane ukuntu Video ikozwe n’ubuhinga batari bamenyereye kubona mpuma Video y’indirimbo zikorwa m’umuziki w’uburundi bwacu gushika nubu bakomeza kuyikunda ari benshi.
SAT-B yararyohewe kumutima kumva abafana biwe bashimye Audio & Video yiwe nshasha y’indirimbo“FEEL LOVE“ twobamenyesha ko amakuru twashoboye kuronka n’uko uwo muririmvyi yavuze ko iyo ndirimbo yiwe yaje itorosha kuko yarazimije izindi indirimbo zose zagiye zirakora abaririmvyi b’abarundi akanavuga y’uko uno mwaka wose w’2017 ntayindi indirimbo ihari yoza isumba iyiwe aherutse gusohora.
Kuko aravye neza uno mwaka ukowagenze muri rusanga abonako abaririmvyi b’abarundi barakoze bose ariko wewe ngo hariho abafise agashavu kuva bumvise ko yasohoye indirimbo FEEL LOVE baciye bazima ikindi yavuze hariho abaririmvyi bishinze gukora indirimbo zokumutuka bigira ibihangange muga wewe amaze gushira ahagaragara Audio na Video bishasha vyiyo ndirimbo yiwe ngubu hoho ngo bayumvise irikuvuzwa mutuzu tw’ubutambiro ( CLUB ) baca batangura gushwana.
Umuririmvyi Sat-B avuga ngo ni akamuna kubona abaririmvyi bashwana kubera bumvise indirimbo yiwe“FEEEL LOVE “naho atashoboye kubavuga amazina mbega munywanyi ukunda umuziki w’uburundi woba warumvise indirimbo yasohotse y’umuririmvyi kanaka atuka umuririmvyi SAT-B imbere y’uko asohora Audio na Video vyiyondirimbo nkuko avuga ngo harabakoze izokumutuka ?
Twobamenyeshako indirimbo “ Feel Love“ iri mundirimbo zisigaye zikunzwe cane mugisagara ca Bujumbura no muntara hagati yumvirizwa cane.
